• Әрәсән болн Моңһлын хоорндк хург болв

    Һаха сарин 14-15-д Улан Баатр балһснд Әрәсән болн Моңһлын регионмудын хоорнд экономикин залһлда делгрүллһнә төрәр II хург болв. Йосна бүрдәцсин, бизнесин элчнр, шинҗләчнр, ут тоодан Әрәсән болн Моңһлын 220 элч эн хургин көдлмшт орлцв.

    • 17-09-2026, 11:43
  • Баһчудын иньгллт делгртхә!

    Эн өдрмүдт Екатеринбург балһснд баһчудын болн оютнрин нарт-делкән наадм болв. Хальмг Таңһчиг энд Хальмг ик сурһулин оютнр элчлв. Мана делегациг ик сурһулин һардачин дарук Мингиян Надбитов һардҗана.

    • 17-09-2026, 11:40
  • Лаганя эмнлһн ясгдх

    Шидр Хальмг Таңһчин эрүл-менд харлһна министрин үүл дааҗадг Мушаран Арслң Лаганя районд керг-төрин халхар одв. Района эмнлһнә ах эмч Шарапа Николай энүнд эмнлһнә әңгүдин үүлдвр яһҗ бүрдәгдсиг цәәлһәд, энд олзлгдҗадг кергсл үзүлв.

    • 17-09-2026, 11:25
  • Төрскн келнә багшнр марһлдв

    Липецк балһснд һаха сарин 7-ас авн 11 күртл «Төрскн келнә болн утх - зокъялын сән гисн багш» гидг Цугәрәсән марһан болв. Эн җил марһанд Әрәсән 87 регионас 131 багш болн бичкдүдин садмудын сурһмҗлачнр орлцв.

    • 17-09-2026, 11:18
  • Хальмг һазр таасгдҗана

    Эн җил Хальмг ик сурһулин 46 оютн Әрәсән Президентин болн орн-нутгин Залврин мөрәһәр ачлгдв. Иим ончта йовдл түрүн болҗ учрснь темдгтә. Мөрәлгдсн баһчуд дунд хальмг кел шинҗллһнә болн дорд үзгин күрәлң төгсәсн Елизавета Кузнецова заагдв. Билгтә оютн РФ-н Залврин мөрәһәр ачлгдад, сар болһн немр мөңг авхмн.

    • 17-09-2026, 11:15
  • Диилвр бәрәд ачлгдв

    Хальмг Таңһчин социальн делгрлтин, күч-көлснә болн көдлмшәр тетклһнә министерств һурвн җил дарандан олн үртә өрк-бүлмүд дунд «Сән гисн өрк-бүлин эдл-аху» гидг марһа давулҗана. Шидр терүнд диилвр бәрсн өрк-бүлмүд йилһҗ авгдв. Келхд, әмтн дууһан өгәд, бийснь дииләчнриг шүүҗ авсмн. Лаганя района Красинское селәнд бәәдг өнр-өсклң Лиджиевихнә өрк-бүлин төлә олн-әмтн хамгин олар дууһан өгәд эдн диилвр бәрәд, 100 миңһн арслңга мөрәһәр ачлгдх болв.

    • 17-09-2026, 11:08
  • Нөкцлтән делгрүлҗ

    Шидр Энткг нутгт болсн БРИКС-ин XVIII хургин сүүрт Әрәсән Президент Владимир Путин орлцв. Орн-нутгудын толһачнр экономикин, сойлын, әәмшг уга бәәдл тогталһна болн талдан төрмүдәр нөкцлтхин тускар күүндв.

    • 15-09-2026, 13:06
  • Улсин хоорндк хәрлцә батрулад

    Шидр Хальмг Таңһчин залврин Ахлач Босхмҗин Гилән келн-улсин кергүдин Федеральн Агентствин һардачин дарук Станислав Бедкинлә харһҗ күүндв. Терүнә йовудт мана таңһчд улсин ниицлтин җилин йовудт күцәгдҗәдг йовдлмудын болн 2036 җил күртл келн-улсин шаңһа политикин шишлң көтлвр күцәлһнә туск төрмүд босхгдв.
    Хальмг Таңһчд насни-турштан зун шаху келн-улсин болн һурвн шаҗна элчнр хоорндан ниитәһәр бәәнә. Тер мет Хальмгин Толһачин медлд бәәдг келн-улсин хоорндк хүүв, келн-улсин 12 төв болн шаҗна хоорндк хүүв күцәмҗтәһәр үүлдҗәхнь темдглгдв.

    • 15-09-2026, 13:02
  • Теегин сувсн һарсн өдрән темдглв

    Һаха сарин 12-т Элст хотл балһсн һарсн өдрән өргнәр темдглв. Байрин керг-үүлдврмүд «Әрәсә гисн би» нертә бичкдүдин тергдин йовлһнас эклв. Аавнр-ээҗнртәһән, экнр-эцкнртәһән, ахнр-дүүнртәһән олн зүсн өңгтә тергдт суусн нилхд балһсна төв уульнцар йовв. Элстин бичкн иргнмүдиг балһсна һардврин ахлачин дарук Довгопола Дмитрий бүләнәр йөрәв.

    • 15-09-2026, 12:57
  • Төрскн театртан итклтә билә

    Басңга Баатрин нертә Келн-улсин театр эн җил 90 җилин өөнән темдглхмн. Хальмг улсин сойлын җирһлд ик чинр зүүҗәдг театрин үүлдвр цугтад йир соньн болна, энүнә тәәз деер кесг үйин артистнр көдлсмн.

    • 15-09-2026, 12:47

Видео