• Делгә Эрднин медальмүдәр ачлгдв

    Моһа сарин 27-д таңһчин залврин герт Хальмгин Росгвардин заллтын арвн җилин өөнд нерәдсн байрин хург болв. Хальмг Таңһчин Толһач Хаска Бату, Улсин Хуралын (Парламентин) ахлач Артем Михайлов, залврин ахлач Босхмҗин Гилән, зөв-йос харлһна бүрдәцсин һардачнр, цергллтин ветеранмуд терүнд орлцв.

    • 31-03-2026, 12:45
  • Сойлын көдләчнриг магтҗ ачлв

    Сойл - келн-улсин үндсн болдгинь җирһлин тууҗ медүлҗәнә. Давсн цагиг, эндрк өдриг залһлдулҗ, сойлын көдләчнр җилин дөрвн цагт әмтнд сергмҗ үүдәҗ, билг-эрдмәрн байрлулна.

    • 28-03-2026, 17:20
  • Иньгллтин залһлдан батрҗана

    Хальмг Таңһчин болн Луганск Улсин Республикин Антрацитовск района хоорнд батлгдсн нөкцлт цуг халхар делгрҗ, иньгллтин залһлдан өдр ирвәс батрҗана. Таңһчин эрүл-менд харлһна, сурһуль-эрдмин, социальн теткврин, жилищн-коммунальн болн тосхлтын бүрдәцсин көдләчнр, арһлачнр дөң-нөкд болҗ, хамцу керг-үүлдврмүд давулҗ, дамшлтарн хувалцна. Шидр мана таңһчур Антрацитовск района әмтнә социальн теткврин төвин көдләчнр болн бүрдәцин хәләврт бәәдг гемтә-шалтгта бичкдүд ирв. Бүрдәцин мергҗлтнр энд дамшлт хоршаҗадг болхла, күүкд-көвүд эрүл-мендән батрулҗана.

    • 28-03-2026, 17:17
  • Барин ветеранмудыг ачлв

    Әрәсән сойлын көдләчин Өдрлә ирлцүләд «Калмыкия» зәңгллһнә таңһчин бүрдәцин ветеранмуд орн-нутгин сойлын көдләчнрин профсоюзин Күндллһнә һашгар ачлгдв. Әрәсән сойлын көдләчнрин профсоюзин Хальмг Таңһчд үүлддг әңгин ахлач Очр Иванов ачлвринь бәрүлҗ өгәд йөрәв.

    • 28-03-2026, 17:14
  • Сурһмҗин тускар эк-эцкнрлә күүндв

    Элстд «Медрл» олна ниицәнә седвәрәр сурһульчнрин эк-эцкнрин төлә сурһмҗин болн сурһулин төрмүдәр харһлтс давулгдҗана. Түрүн харһлтс Элстин техническ лицейд, Зая-Пандитан нертә хальмг этносойлын гимназьд болв.

    • 28-03-2026, 17:06
  • Йилһән сәәнәр сурдг оютнрла харһв

    Мана таңһчин ик сурһульд оютнриг урмдуллһна кесг эв-арһ бәәнә. Болв ик кемҗәтә стипендь авхин төлә кесг невкрлә ирлцҗ сурх кергтә. Хамгин түрүнд сәәнәр сурад, тер мет номар соньмсад, олна керг-үүлдврт шунмһаһар орлцҗ, олнд үлгүр болҗ нерән дуудулад бәәхлә, тер ачлвриг авч болхмн.
    Хальмг ик сурһулин шишлң комиссин шиидврәр ут турштан 175 күн тиим ачта стипендиг авх зөвтә болв. Тер тоод муниципальн заллтын, багшин болн нань чигн дацңгудын оютнр тиим күцәмҗ бәрв. Өөдән стипендиг авчадг оютнр номин статьяһан олнд темдгтә седкүлд барлна, Цугәрәсән марһаст орлцҗ мөрә авна, эврә төсвән күцәҗ, терүнд кесг улсиг, тер тоод сурһульчнриг орлцулна.

    • 28-03-2026, 17:01
  • Шунлтта баһчуд дөрлдҗәнә

    Эн өдрмүдт җил болһн болдг «Абилимпикс» таңһчин марһан Элстин политехникин колледжд эклв. Энд цуглрсн марһанд орлцачнриг болн шинҗләчнриг таңһчин сурһуль-эрдмин болн номин министерствин ахлгч мергҗлт Кермн Муева йөрәҗ күцәмҗ дурдв.

    • 28-03-2026, 16:45
  • Бамб цецгин наадмд белдәд

    Мана таңһч бамб цецгин наадмд экләд белдҗәнә. Хаврин хамгин сәәхн байр мөрн сарин 4-әс авн 26 күртл давулгдхмн.

    • 26-03-2026, 17:37
  • Селәнә улст – эмчнрин туслмҗ

    Хальмг Таңһчин Толһач Хаска Батун седвәрәр болн «Негдсн Әрәсә» партин Хальмг региональн әңгин «Эрүл-менд иргч» гидг төсвин йовудт бүрдәгдсн «Эрүл-менд бәәтн!» гидг керг-үүлдврин дарани девсң төгсхдән өөрдҗ йовна. Эн сарин эклцәс авн эмчнр таңһчин хол селәдт бәәдг әмтнә эрүл-мендин бәәдл шинҗлҗ дөңгән күргҗәнә. Ода деерән зуг Яшкулин, Баһ Дөрвдә болн Целинн райодт эмчнр одад уга.

    • 26-03-2026, 17:32
  • Әмтнә җирһлин таал ясрулх күслтәһәр

    Урҗ өдр Элстд болсн Хальмг Таңһчин залврин сүүрт 2025 җилд таңһчин социальн-экономическ делгрлтин аш диглв, ирх җилд эрүл-менд харлһна халхиг шинрүллһнә төсв күцәлһнә болн гер-бүүрин тосхлтын тускар өргн күүндвр болв. Чинртә төрмүдәр болсн сүүрт Әрәсән Президентин ЮФО-д үүлддг элчллтин таңһчд ах федеральн инспектор Александр Беляев, Хальмг Таңһчин Улсин Хуралын (Парламентин) Ахлач Артем Михайлов орлцад, залврин гешүдт соньмсулҗадг төрмүдәр сурврмудан өгв.

    • 26-03-2026, 17:28

Видео