• Очра Номтын санлынь тевчәд

    Хулһн сарин 10-д Хальмгин олна үүлдәч, гегәрлт Очра Номтын 140 җилин өөн болв. Эн «Җаңһр» дуулврин бөлгүд бичҗ авч барлад, сурһуль-эрдмин, номин болн келн-улсин сойлын делгрлтд ик ач-тусан күргсмн. Номт хальмг бичлт шинрүллһнд орлцад, «Өөрдин зәңгс» гидг хальмг түрүн газет барас һарһсн болдг.

    • 13-10-2026, 12:00
  • Дәәчнриг дөңнх закад батлгдв

    Шидр Хальмг Таңһчин Улсин Хуралын (Парламентин) сессь болв. Таңһчин Улсин Хуралын Ахлач Артем Михайлов сессиг һардҗ давулад, депутат Михаил Богатовиг Әрәсән Орн-нутгин Хүүвин депутатд суңһгдснла йөрәв. Депутатнр ут тоодан хөрн дөрвн төр хәләһәд, таңһчин закадт сольвр орулад, цергә шишлң керг-үүлдврт орлцачнрин, гемтә-шалтгта улсин социальн теткврин, һазрин чинрин туск болн нань чигн төрмүд хаһлв. Тер мет депутатнр орн-нутгин закадын төсвсиг бас дөңнв.

    • 13-10-2026, 11:49
  • «Җаңһр» дуулврин зөөриг олнд медүлв

    Нертә олна үүлдәч, шинҗләч Очра Номтын 140 җилин өөнд нерәдҗ Б. Б. Городовиковин нертә таңһчин баһчудын Герт Хальмг ик сурһулин болн Хальмг номин төвин номтнрла харһлт болв.

    • 13-10-2026, 11:42
  • Баһчуд санлынь күндлв

    Мана таңһчд нертә үүлдәч Очра Номтын 140 җилин өөнд нерәдсн керг-үүлдврмүд давҗана. Басң өдрлә Элстд «Негдсн Әрәсә» партин «Молодая гвардия» әңгин нүүрләчнр балһсна төвд бәәдг Хальмг ик сурһуляс экләд, Очра Номтын бумб тал ирҗ, санлынь тевчв. Дарунь эдн энүнә нер зүүҗәдг Элстин 8-ч тойгта дунд сурһулин музейд одв.

    • 13-10-2026, 11:35
  • Ирек Файзуллинлә харһв

    Шидр Москвад Хальмгин Толһач Хаска Бату Әрәсән тосхлтын болн гер-бүүрин министр Ирек Файзуллинлә харһв. Тодлхас, һаха сард Ирек Энварович Элстд ирсн билә. Тиигхд, Әрәсән министр Элстд тосхгдсн шин бүрдәцс болн гермүд хәләв.

    • 10-10-2026, 11:58
  • Селәнә эдл-ахун көдләчнриг темдгләд

    Җил болһн хулһн сарин хойрдгч долан хонгин нарн өдрлә мана орн-нутгт селәнә эдл-ахун халхар көдлдг улсиг темдглдг авъяста. Эн өдрт мал өсклһнә, тәрә тәрлһнә, эдл-ууш кеҗ һарһдг болн АПК-ан халхар көдлдг мергҗлтнриг йөрәҗ, ач-тусинь хәрүлдг йоста.

    • 10-10-2026, 11:34
  • Залу-зөргин кичәлд орлцв

    Б.Б.Городовиковин нертә Городовиковск балһсна олн салврта гимназин болн Луганск Улсин Республикин В.В.Шевченкон нертә Нижненагольчикск дунд сурһулин сурһульчнрла хамдан «Лица дружбы» шаңһа төсв күцәлһнә йовудт залу-зөргин кичәл давулв.

    • 10-10-2026, 11:28
  • Заң-бәрцинь батрулсн марһан

    Хулһн сарин 2-т Элстин 2-ч тойгта дунд сурһульд «Багшин дебют» гидг таңһчин марһан болв. Эн җил 11 баһ наста багш марһанд орлцв. Элстин болн 9 района элчнр энд дамшлтан болн хоршасн эв-арһан сөрв. Эдн хальмг келнә болн нань чигн кесг кичәлмүд өгв. Эклц классин багшнр чигн эдн дунд бәәв.

    • 10-10-2026, 10:56

Видео