• Яшкулин районд одв

    Хальмг Таңһчин залврин Ахлачин дарук Өлзәтин Марина һаха сарин 1-д Яшкулин районд керг-төрин халхар одв. Эн өдр дааврта һардач Улан Эрг селәнә дунд сурһульд, әмтиг көдлмшәр тетклһнә төвд болн района эмнлһнд одад, паркд сән кец-таал тогталһна көдлмшин йовудыг хәләв.

    • 07-09-2026, 12:49
  • Олн һазрас ирсн элчнр сурчана

    Хальмг ик сурһулин һардач Салан Бадм, терүнә дарук Кована Екатерина, оютнрин шин селгә орулҗ авлһна комиссин дааврта сегләтр Баатрин Владимир, эмнлһнә дацңгин һардач Бадмин Саглр седкүлчнрлә харһв. Эдн абитуриентнриг орулҗ авлһна, эмнлһнә дацңгин үүлдврин болн Әрәсән Президентин мөрә авсн оютнрин тускар келҗ өгв.

    • 07-09-2026, 12:46
  • Хальмг келән дасхин төлә

    Шидр «Калмыкия» РИА-н барин төвд болсн харһлтд орлцачнр хальмг кел ахр болзгт даслһна төрәр ухан-тоолврарн хувалцв. Хальмг кел дарунь даслһна төсвин седвәрч Мучкан Арслң харһлтыг нүр үгәр секв. Эн эврән зурһан нас күртлән хальмгар сәәнәр келдг бәәсмн. Болв дунд сурһульд орад тенд зуг орсар күүнддг болв.
    Өдгә цага баһчуд хальмгар келхәсн эмәнә, талт-мулт келхлә талдан әмтн наад бәрх гиҗ саглна. Энткг орн-нутгт әмтн англь кел мууһар меднә, тиигсн бийнь зуульчнрт кесг тоотыг цәәлһҗ өгнә, гиҗ Арслң келв.

    • 07-09-2026, 12:31
  • Шинрүлгдсн сурһульд болсн йовдл

    Сарпан района Садовое селәнә Д.А.Маковкинә нертә 2-ч тойгта дунд сурһульд медрлин Өдрт нерәдгдсн керг-үүлдвр байрта-бахмҗта таалд давв. Энд «Баһчуд болн бичкдүд» гидг келн-улсин төсвин болн «Хальмг Таңһчин сурһуль-эрдмин делгрлт» шаңһа көтлврин йовудт бат ясвр кегдв.

    • 07-09-2026, 12:27
  • Лаганя багшт күцәмҗ дурдҗ

    Лагань балһсна 3-ч тойгта дунд сурһулин хальмг келнә багш Павла Елена (зургт зүн таласнь тавдгчнь) эн җилин мөрн сард таңһчин йилһән сән багшин өөдән нер зүүснь олнд бахмҗ үүдәв. Ода эн төрскн келнә багшнрин Цугәрәсән марһанд орлцхар белдҗәнә.

    • 07-09-2026, 12:18
  • Балһсна әмтнд сергмҗ үүдәв

    Намрин сард Элст балһсна Өдр темдглгднә. Эн байрта йовдлд нерәдҗ хотл балһсна микрорайодар байрин асхд бүрдәгднә. Сәәхн эн авъяс балһсна җирһлд кесгәс нааран батрсн бәәнә. Эн җил хойр сара хонгин туршарт олн элстихнд сергмҗ үүдәсн байрин асхд ноха сарин чилгчәр төгсв. Хотл балһсна Өдриг угтсн байрин нәр бүрдәмҗин сән таалд давҗ, олыг хамцулв.

    • 07-09-2026, 11:59
  • Медрлин Өдрлә йөрәв


    Элст балһсна 4-ч тойгта дунд сурһульд 1046 сурһульч сурна, тер тоод 100 күүкн-көвүн эн җил 1-ч класст орв. Дамшлтта багшнр Карун Светлана, Савкан Саглр болн Чурюма Светлана эдниг бүләнәр тосч авв. Медрлин Өдрлә йөрәхәр эн сурһульд Хальмг Таңһчин Толһач Хаска Бату, таңһчин прокурор Виталий Семенченко, Элст балһсна Хургин депутат Сарңга Церн болн нань чигн улс ирснь темдгтә болв.

    • 02-09-2026, 14:00
  • Шинрүлгдсн сурһульмудт одв

    Хальмг Таңһчин Толһач Хаска Бату медрлин Өдрлә бат ясвр кегдсн Целинн района Партизанск дунд сурһульд болн Сергий Радонежскийин нертә Орс Келн-улсин гимназьд бас одв. Эн өдр сурһульчнр болн багшнр шинрүлгдсн сурһульмудтан ирҗ, йосндан байрлҗ бахтв.

    • 02-09-2026, 13:56
  • Шүлгч Саңһҗин Босян нерн зүүлһгдв

    Эн өдрин бийд Целинн района Троицкое селәнә дунд сурһульд хальмг улсин шүлгч Саңһҗин Босян нерн зүүлһгдснд нерәдсн байр болв. Хальмг Таңһчин Толһач Хаска Бату сурһульчнриг болн багшнриг йөрәхәр тиигәрән ирв. Хальмг Таңһчин сурһуль-эрдмин болн номин министр Александр Ким, Саңһҗин Босян күүкнь Татьяна Басанговна болн җичнь Саңһҗин Эрднь, Целинн района толһач Увшан Басң эн керг-үүлдврт орлцв.

    • 02-09-2026, 13:52
  • Нөкцлтән делгрүлхәр

    Хальмг Таңһчин эрүл-менд харлһна министрин үүл дааҗадг Мушаран Арслң Әәдрхнә медицинск ик сурһулин элчнрлә харһв. Николай Костенко, Николай Илов болн Елена Чернышова харһлтд орлцад, Хальмг Таңһчин эрүл-менд харлһна делгрлтин туст нөкцҗ үүлдхин туск бооцана тускар күүндв. Тер мет таңһчин эрүл-менд харлһна көдләчнрин мергҗлт өөдлүллһнә, эмнлһнә туст селвг өгч дөң күрглһнә төрмүд босхгдв.

    • 02-09-2026, 13:46

Видео