Күүкд улсин сән Өдрин өмн өргнд Хальмг Таңһчин Толһач Хаска Бату цергә шишлң керг-үүлдврт әмнәсн хаһцсн нег һазра улсин экнрлә болн авальмудла харһҗ күүндв. Хальмг Таңһчин Улсин Хуралын (Парламентин) Ахлач Артем Михайлов, таңһчин залврин Ахлачин дарук–таңһчин социальн делгрлтин, күч-көлснә болн көдлмшәр тетклһнә министрин үүл дааҗадг Өлзәтин Марина, «Төрскән харсачнр» шаңһа саңгин региональн әңгин һардач, таңһчин Улсин Хуралын депутат Хаалһин Очр, таңһчд күүнә зөв харсдг элч Валерий Чуб эн харһлтд орлцв. Дәкәд ода цаг зуур амрлһнд гертән бәәдг цергә шишлң керг-үүлдврт орлцҗадг медицинск эгчнр Тачин (Худила) Ангелина болн Мария Сергиенко бас эн сүүрт орлцсинь заахмн.

Эн җилин хаврар Ик Буурла района Приманыч селән 60 җилин өөнән темдглхмн. Бәәрн улс өөнд нерәдгдсн байрин керг-үүлдврмүд өргмҗтәһәр болн шуугатаһар давхин төлә эртәснь белдвр эклв. Төрскән харсгч Алдр дәәнд әмән әрвллго зөрмгән һарһсн болн цааҗла харһад ик зовлң үзсн өвкнриннь санл мөңкрүлҗ, эн селәнә делгрлтд тәвцән орулсн нег һазра улсин ач-тус хәрүлҗ, цергә шишлң керг-үүлдврт орлцачнрт онц оньган тусхаҗ өөнән темдглх зура бәәнә.

Бурхн Багшин Алтн сүмд һурвн хонгтан ик мөргүлмүд болхмн. Моһа сарин 12, 13 болн 14-д «Ик йөрәл» гидг нертәһәр болҗах мөргүлмүдт әмтн орлцҗ чадҗана.

Шидр Әрәсән Орн-нутгин Хүүвд күүнә зөв харслһна элч Татьяна Москалькова 2024 җилд кеҗ-күцәсн көдлмшиннь тооцаһан өгв. ВКС-ин эв-арһар болсн сүүрт Хальмг Таңһчин Улсин Хуралын депутат Эрнҗәнә Петр болн таңһчд күүнә зөв харслһна элч Валерий Чуб орлцв.

«Медрл» ниицәнә лектормуд баһчудт орн-нутгин тууҗд ончта орман эзлсн күүкд улсин тускар келҗ өгв. Күүкд улсин нарт-делкән Өдр угтад, Элстин техническ лицейд болн Социальн технологийин Әрәсән орн-нутгин ик сурһулин таңһчд үүлддг әңгд түрүн керг-үүлдвр болв.

Цаһан Сарин байрин өмн өргнд Элстд болн райодын талвңгудт таңһчин уйн наста урчнр дунд Цугәрәсән марһана региона девсң давв. Эдн Элстин болн райодын колледжмүдт сурна, дасчадг эрдмәрн хоршасн эв-дован марһанд үзүлв.

1943 җилд Көк теңгсин көвәд заһсчнр немшин нисәчнриг бәрәнд авсмн. Тер баатрльг йовдл нег һазра улсин төлә туурмҗ болад үлдв. Түүнә хөөн Москва балһснас телеграмм ирсн билә. Тенд мана заһсчнриг залврин ачлврар темдглҗәхинь келгдсн билә. Олн-әмтнә төлә тернь байр-бахмҗ үүдәв.
Тер цагт эн йовдлын тускар түрүн болҗ Басңга Баатр бичсн билә. 2000 җилд болхла Увшан Иван «Көк теңгсин зәңгс» Лаганя района газетд эврәннь келврән барлла.
Эндрк һарцд болхла, тиигхд йистә көвүн бәәсн Манҗин Чонтан келвриг барлҗанавидн.
Тодлвр

Шидр таңһчин Толһач Хаска Бату Әрәсәд Непал орн-нутгин элч Джанг Бахадур Чауханла харһв. Шар шаҗна зуульчллһна, хулд-гүүлгәнә-экономикин, сойлын болн номин халхсар нөкцлтхин туст күүндвр болв. Тер мет Непалд орс кел даслһна эв-арһ бас хәләгдв.

Хальмг Таңһчин Толһач Хаска Бату Москвад болсн Әрәсән-Мьянманск хургт орлцв. Тенд Мьянма Республикин залврин ахлач Мин Аун Хлайнла харһҗ күүндв.

Күүкд улсин Өдрт нерәдҗ Элстд «В мир приходит женщина» ик хург болв. Терүг Хальмг Таңһчин күүкд улсин ниицән бүрдәҗ давулв. Байрин керг-үүлдврт Хальмг Таңһчин Улсин Хуралын (Парламентин) Ахлач Артем Михайлов, Хальмг Таңһчин залврин Ахлач Босхмҗин Гилән орлцв. Райодт үүлддг күүкд улсин ниицәнә әңгүдин элчнр хургт бас орлцад, олн җилин эргцд таңһчин олна бәәдл-җирһлд шунмһаһар орлцҗадг төләдән ачлгдв.