• Номтнрин нөкцлт делгрәд бәәхмн

    Энткгин сойлын Өдрмүд Хальмг Таңһчд болҗасн кемд Хальмг ик сурһульд Бурхн-Багшин ном делгрүллһнд нерәдсн харһлт болв. Энүнд Энткгин ах элч Д.Джейсундхар, Москвад Энткгин элчллтин көдләчнр, Наландан болн Делин ик сурһульмудын номтнр ирв. Керг-үүлдвриг Хальмг ик сурһулин профессор Улана Мергн һардҗ, бурхн-шаҗна туск лекциг секлһнә тускар зәңгләд, Хальмг ик сурһулин һардач Салан Бадмд үг өгв.

    • Вчера, 12:18
  • Оютнрин билг-эрдминь үнлв

    Найн негн җил хооран хөн сарин 9-д Улан Әәрмин салдсмуд, тер тоод хальмг баатрмуд, Алдр Диилвр бәрҗ Берлинә рейхстагд Советин Союзин улан туг делскв. Тер ончта өөнд нерәдҗ Элстд Хальмг сойлын Төвд таңһчин колледжмүдин үүдәлтин III наадм болв. Ут турштан 10 колледжин оютнр дууна, бииһин, шүлгүд умшлһна, театрин наадна марһаст орлцв.

    • Вчера, 11:42
  • Номтнрин оньгт – йиртмҗ харлһна төр

    Әрәсәд болн Хальмг Таңһчд йиртмҗ харлһна төрмүдт ик оньган тусхана. Нег үлү Хальмг Таңһчд һазр көдәрлһнә болн эргндк бәәдлд харшлҗадг тоотын төрмүд нәрн болҗана. Одахн Элстд Хальмг ик сурһуль бүрдәсн Цугәрәсән номин-дамшлтын III хург бас эн төрмүдт нерәдгдв. Һазадын орна кесг номтнр энүнд орлцҗ илдклән кев. «Йиртмҗ шинҗллһнә номин чинртә төрмүд өдгә цага номин медрлин ханьд» гиҗ эн хург нерәдгдв.

    • 30-04-2026, 14:55
  • Төрскн келән хадһлхар

    Сурһуль-эрдмин халхар төрскн кел хадһллһна төрәр шидр Баһ Буурла дунд сурһульд, «төгрг ширән» сүүр болв.

    • 20-04-2026, 13:52
  • Диилвр бәрсн багшнриг ачлв

    Шидр Элстд «2026 җилин багш» марһана ашинь диглв. Эн җил марһан һучн тавдгч кемдән давулгдв. Хальмг Таңһчин Улсин Хуралын (Парламентин) Ахлач Артем Михайлов, залврин ахлачин дарук – то-дигин делгрлтин министр Этән Алексей, сурһуль-эрдмин болн номин министр Александр Ким, Б.Б.Городовиковин нертә Хальмг ик сурһулин һардачин дарук Натра Баира, сурһуль-эрдмин профсоюзин таңһчин бүрдәцин ахлач Эдән Цаһан керг-үүлдрт орлцв.
    Темдглхд, эн җилин марһана жюрин ханьд «2025-ч җилин багш» Цугәрәсән марһана дииләчнр Юрий Уробушкин болн Анастасия Пономаренко орлцснь темдгтә болв.

    • 14-04-2026, 15:47
  • Медрлинь гүүдүлх күслтәһәр

    Баһчуд дунд төрскн кел тархалһна керг ик чинр зүүҗәнә. Хальмг ик сурһульд болдг хальмг келнә Цугәрәсән олимпиад энүнд туслҗахнь лавта. Одахн, лу сарин чилгчәр, терүнә ашлгч девсңгнь болв.

    • 11-04-2026, 13:35
  • Элстин хамгин сән багшнр йилһгдв

    Җил болһн Хальмг Таңһчин йилһән сән багшиг йилһдг марһан болна. Ода орн-нутгин болн таңһчин һардвр багшнрт һол оньган тусхаҗ, эднә чинринь өөдүлҗ йовна. Ода орн-нутгт медрлтә, билгтә, кергән сәәнәр меддг, өдгә цага некврлә ирлцҗ үүлддг мергҗлтнр кергтә болҗана. Тиим билгтә баһчудыг багшнр сурһҗ, чик сурһмҗ, гүн медрл өгч белднә.

    • 02-04-2026, 13:11
  • Йилһән сәәнәр сурдг оютнрла харһв

    Мана таңһчин ик сурһульд оютнриг урмдуллһна кесг эв-арһ бәәнә. Болв ик кемҗәтә стипендь авхин төлә кесг невкрлә ирлцҗ сурх кергтә. Хамгин түрүнд сәәнәр сурад, тер мет номар соньмсад, олна керг-үүлдврт шунмһаһар орлцҗ, олнд үлгүр болҗ нерән дуудулад бәәхлә, тер ачлвриг авч болхмн.
    Хальмг ик сурһулин шишлң комиссин шиидврәр ут турштан 175 күн тиим ачта стипендиг авх зөвтә болв. Тер тоод муниципальн заллтын, багшин болн нань чигн дацңгудын оютнр тиим күцәмҗ бәрв. Өөдән стипендиг авчадг оютнр номин статьяһан олнд темдгтә седкүлд барлна, Цугәрәсән марһаст орлцҗ мөрә авна, эврә төсвән күцәҗ, терүнд кесг улсиг, тер тоод сурһульчнриг орлцулна.

    • 28-03-2026, 17:01
  • Бумблвин өөрк һазриг кеерүлхмн

    Одахн Элстд Зая-Пандитан нертә Хальмг этносойлын гимназьд «Буйслһн болн босхмҗ» гидг бумбин өөрк һазриг кеерүллһнә туск олна күүндвр болв. Энд Элст балһсна бәәрн әмтн, сурһульмудын багшнр болн шинҗләчнр цуглрв. Тиим харһлтс Хальмг Таңһчин Толһач Хаска Батун даалһврар болҗана. Олнд темдгтә бумбиг болн түүнә шидрк һазрин бәәдлиг ясруллһна даалһвр Элст балһсна һардврт өггдлә.

    • 17-03-2026, 14:02

Видео